መሪር ናይ ሓዘን መልእኽቲ (ዲሞክራስያው ውድብ ብሄር ብሌን ኤርትራ)

ናብ ክቡራት ህዝብታት ኢትዮጵያ፣

ናብ ክቡር ፈደራላዊ ዲሞክራስያዊ ረፓብሊክ መንግስቲ ኢትዮጵያ፣

ናብ ክብራት ስድራቤት ኣቶ መለስ ዜናዊ።

ናይ ፈደራላዊት ዲሞክራስያዊት ረፓብሊክ ኢትዮጵያ፣ ቐዳማይ ሚኒስተር ክቡር ኣቶ መለስ ዜናዊ፣ ብማዕከናት ዜና ሃንደበታዊ ሞቶም ምስ ሰማዕና መሪር ሓዘን ተሰሚዕና።

ብፍላይ ንኹቡር ህዝብታትን መንግስትን ውድብ ኢ.ህ.ወ.ደ.ግን ኢትዮጵያ፣ ብሓፈሻ ከኣ ንዞብናን፣ ንኣፍሪቓን ንመላእ ዓለምን፣ ዓቢ መራሒ ከም ዝጎደሉና ንምስክሮ ሓቂ’ዩ።

ተጋዳላይ ኣይመውትን ስለ ዝኾነ ዘይመውትን ዘይሳዓርን ገድሊ ሓዲጎምልና ስለ ዝኾኑ፣ ብልቢ እናመጎስና፣ ኣብ እነካይዶ ዘሎና ምእንቲ ፍትሕን ሰላምን ቓልሲ፣ ኩሉ ግዜ ኣብ ልብና ነባሪ ሓውልቲ ኣለዎም።

ነዚ ወሪድኩም ዘሎ መሪር ሓዘን ከኣ ብሽም ዲሞክራስያው ውድብ ብሄር ብሌን ኤርትራ ተሳተፍቲ ምዃና ንገልጽ።

ንስድራቤቶምን ንመላእ ህዝብታት ትዮጵያን ጽንዓት ይሃብኩም።

ካብ

ዲሞክራስያው ውድብ ብሄር ብሌን ኤርትራ

21.08.2012