ንኦሪት ንምምሳል ከም ኢያሱ
ዝስቀል ሰቒሎም ምስ ነገሱ
ናይ ጸሓይ ዑደት ክቕይሱ ….. ምስተንቀሳቐሱ
ኣብኣ ነቒጾም ……. ከይተጣዕሱ
ናብ ልቦም ከይተመልሱ … ብዝሑልን ውዑይን እናተሓመሱ
ሕጂኸ ምስመን’ዮም ክበኣሱ
ኣብ እርጋኖም ሰማይን ምድርን ዘካውሱ።

እሞ ሎምስ ከኣ ንዳግማይ ትንሳአ ኣብ ሰሙኑ
እዞም እንዳ ዝናን ባህታን እንታ’ዮም ዝብሉ?

ንኸደናግሩ ሓሚምና እናበሉ ….. ኣደታት ከሻቕሉ
ከምዘይቀነዩ ተሓቢኦም ከዕልሉ ….. ኣንሻቦም’ዮም ኣርእስቲ ዝቐየሩ?

እሞ ድማ ምስ’ቲ ወዲዮሴፍ ምንኣስ ሓው ዘይብሉ …. ክወዳደሩ
ድዮም? ……. ዳግማይ ትንሳአ ምሰ’ብዓሉ
ኣብ ሳልሰይቲ ሰንበት  ዝተቐልቀሉ።

ኣየ እንዳ ዝናን ባህታን ዝገብሩ
ሕማምን ሞትን ደኣ ንቡር እንዳኣሉ …. መኻውሎ’ኳ ዘይርከበሉ
ይዋኣት’ሲ እቶም ዘይቅረቡሉ።

ግደ ሓቂ ግን ምስ ወዲ ዮሴፍ ካብ ዝከራኸሩ
እንዳ ዝናን ባህታን  …… ምስ ህዝቦም እንተዝመኽሩ
ኣብ’ዛ ዓለም ምኸበሩ ኣብ መወዳእታ ድማ ብዕምባባን ፍዮርን ምተሳእሉ
ብቐሽን ዓለምን ተኸቢቦም …… ብጸናጽልን መጥቅዕን ምተቐብሩ።

እንተ ብዛዕባ ትንስአ ግን እተን ክልተ’ኳ በዚሐን
ንሳተን ንመዋእል ኣብ ዓውደ’ዋርሕ ተሰጢሐን
ደባትርን መማህርን ኣድኪመን ኣሰኪሐን
ንኽንደይ ተመራመርቲ ኣእሚነን ኣፍሪሐን
ክሳብ ሕጂ ብምስጢር’የን ጸኒሐን ክሳብ ዝምለስ ዋንአን
ስለ’ዚ ኣይልብን’ዩ ኣይቀልብን ጽግዕ ምግዕ ኣብ ጥቐአን
ስለዘይትድገም ከምአን።

ዳንኤል ተስፋዮውሃንስ ተኽለጊዮርጊስ
04/28/2011