![[AIM] Asmarino Independent Media](/images/logo/ailogo.png){kind=logo}
ብርሃነ ወልዱ፣ ኣሳሳዪ “መኸተ” ዲሲ ኣንጻር እገዳ፣ ብሰኑይ 22 መጋቢት ናብ ኣስመራ ከይዱ።
ብርሃነ ወልዱ፣ ኣቦ መንበር ብለካቲት 22 ዝተኻየደ “መኸተ” ኣንጻር ናይ ሕቡራት መንግስታት እገዳ ንህ.ግ.ደ.ፍ. ዝበሃልን፣ ኣብዚ ኣሳእል ከም ቀንዲ ኣሳሳዪ ዋሺንግተን ዲሲ ዝተዋሰአን፣ ናብ ኣስመራ ብሰኑይ 22 መጋቢት ከይዱ። ቁመቱ ነዊሕን ጉልቡትን ኮይኑ፣ ቀይሕ ጃከትን ቆቢዕ ለቢሱ ናብዝን ናብትን ክብል ዝረአ ዘሎ እዩ። ቆቢዕ ምልባሱ መንነቱ ካብ ምሕባእ ኣየድሓኖን።ብርሃነ ወልዱ ኣስታት 57+ ዝዕድሚኡ፣ ኣብዚ ቐረባ እዋን ጡረታ ዝወጽአን ሰብ ኢዩ። ቅድሚ ሎሚ ብድሕሪ ምምልላሱ ናብ ኤርትራ፣ ካብ ሓዳሩ ዝተፈትሐን፣ ነጭ በረር ማለት ነጻ ሰብ እዩ። ብድሕሪ እገዳ ናይ ሕቡራት መንግስታት ማለት ንላዕለዎት ሓለፍቲ መንግስቲ ካብ መገሻ ዝዕቅብ ውሳነ ድሕሪ ምብያኑ፣ ናብ ኣስመራ ኣብ ምምልላስ ዝርከቡ ተሳተፍትን ወደብትን ናይ ለካቲት 22 ሰልፊ ኣብ ጠመተ ወዲቖም ኣለዉ። ናይ ሕቡራት መንግስታት ኣብቲ ርእሲ ናይ መገሻ እገዳ፣ ኣጽዋር ናብን ካብን ኤርትራ ንኸይሽየጥን፣ ምስቲ ስርዓት ዝተተሓሓዘ ትካላትን ውልቀሰባት እውን ብኡኡ ከምዝቕየዱ በይኑን ኣብ ኣውስትራልያን ኤውሮጳን ገለ ክፋሉ እውን ኣብ ስዊስ ኣብ ግብሪ ዊዒሉ ኢዩ።
ብርሃነ ወልዱ ኣብ ኢትዮጵያ ዝዓበየ፣ መበቆሉ ኣዂሩር፣ ኣከለጉዛይ ዝኾነ ኤርትራዊ ኣሜሪካዊ ኢዩ። ብዛዕባ ዝተኻየደ ሰልፊ ዝገበሮ ቃለ ምሕትት ምስ ድምጺ ኣሜሪካ ብፍላይ ምስ ኢትዮጵያውያን ብዛዕባ ዝግበር ዝምድና ተዛሪቡ። ፍሉይ ክእለት ኣምሓርኛ ስለዘለዎ ኣብቲ ዝግበር ካልኣዊ ዝምድና ምስ ውድባት ገለ ተራ ክጻወት ይኽእል ኢዩ ዝብል ግምት ኣሎ። እቲ እገዳ ንላዕለዎት ሓለፈቲ ህ.ግ.ደ.ፍ.ን ሰበስልጣን ኤርትራን ጥራሕ ኢዩ ካብ መገሻ ዝዕቅብ። 
ናይ ሕቡራት መንግስታት እገዳ ንህ.ግ.ደ.ፍ. ከምዘሻቐሎም ዝእምት፣ ኣብ ውሽጥን ብፍላይ ኣብ ወጻእን ብኣምባሳደራቶም ኣቢሎም ዝተፈላለዩ ሰላማዊ ሰልፍታትን “መኸተ” ኣንጻር እገዳ ኣካይዶም ኢዮም። ካብቲ ዘካይድዎ “መኸተ” ድማ ናይቲ ዝቕመጥዎ ሃገር ዘይኮነስ፣ ናይታ ገዲፎማ ዝመጹ ናይ ኤርትራ፣ መንግስትን ስርዓትን ጭርሖታትን ኢሳያስ ኣፈወርቂ ኣሳእልን፣ “ንሕና ንሱ፡ ንሱ ንሕና” ዝብል ብእንግሊዝ ከይተረፈ “We are him, he is us” ዝብሉ ታበላታትን ጻዊዒትን ኣብ ምቕባልን ዘድሃበ ኢዩ ኔሩ።
ብርሃነ ወልዱ ኣሜሪካዊ ዜጋን፣ ናይ ምንቅስቓስን መሰሉ ኣብ ትሕቲ ሕጊ ሕልዉን ስለዝኾነ ምጋሹ ኣይኮነን እቲ ዜና። ቅድሚ ሎም’ውን ዝተመላለሰን እኳ ድኣ ቀጥታዊ ርክብ ምስ ፕረሲደንት ኢሳያስ ኣፈወርቂ ጌሩን ዝብል ወረ ስለዝነበረ እውን ኣይኮነን። ዜና ድያስፖራ ብወግዒ ኣብ ጽርግያ ኣሜሪካ ዝወጽአን ብቐጻሊ ንህ.ግ.ደ.ፍ. ምድጋፉን ኩነት ቀርኒ ኣፍሪቃ ኣብ ግምት ብምእታዉን ኢዩ ነዚ ዘውጽእ ዘሎ።
ብርሃነ ወልዱ ነቶም ኣብቲ ጎደና 22 ምስኡ ዝወዓሉ፣ ናብ ኤርትራ ዝኸዱ ኣሜሪካውያን ከም በዓል ዶክተር ተስፋይ ኣርዓዶምን (ካብ የማን ካልኣይ) ካልኦትን ይስዕብ ኣሎ።
www.eritreana.com for pictures
