ማእቶት ኢሉ ስርዓት ህግደፍ ፈቆድኡ ዝወሰዶም ተምሃሮ ዜጋታት ምስ ክረምቲ ተኣሳሲሩ ብዝፍጠሩ ሕማማት ማህሰይቲ ይበጽሖም ኣሎ።

ምልካዊ ስርዓት ኢሳይያስ ካብ ሓረስቶት ዜጋታት ብሓይሊ ኣብ ዝመንዝዖ መሬት ንዝቦቀለ እኽሊ ክጽህዩ ኣብ ዓሊ ግደር ጡጥ ክኣርዩ ካልእ ናይ ልምዓት ወፈራ ከሰላስሉን ዝወሰዶም ተምሃሮ ዜጋታትና ንዓሶን ካሊእ ሕማምን ተቃሊዖም ማህሰይቲ ይወርዶም ኣሎ።

እቲ ስርዓት መጽለሊ እኹልመግቢን ኣገልግሎት ሕክምናን ዘየዳለወ ክነሱ ነዞም ተምሃሮ ቆልዑ ፈቆድኡ ንማእቶት ኢሉ ብምስዳዱ ዝፈጠረ እቲ ጸገም  ሓደገኛ ሳዕቤን ከየኸስት ስግኣት ከምዘሎ ድማ እሙናት ምንጭታት ማሕበረሰባዊት ሬደዮ ድምጺ ወጋሕታ ሓቢሮሙልና ኣለው።

ገሊኦም ጸገም ጥዕና ዘጋጠሞም ተምሃሮ ናብ ዓድና ምለሱናሞ ባዕልና ክንሕከም ዝብል ሕቶ ዘቅረቡ ኮይኖም ስርዓት ኢሳይያስ ግን እቲ ወረ ፈቆድኡ ክንዛሕ’ዩ ካብ ዝብል ሻቅሎት ተበጊሱ ፍቃድ ካሊኡ ፈቆደኡ ክድቅሱ ፈሪድሎም ከምዘሎ ተፈሊጡ’ሎ።