ኣብ 21 ክፍለ ዘመን እንተሎ ዝዕሹ
                    እሞ ኮምፒተር ተተርኢሶም ዝድቅሱ
                    ኣብ ጫካ ዝነብሩ ብ10.ኢድ ይሕሹ
                   ብዘይካ ምምእራር ካልእ ዘይፈላፈሱ
                   ከም ብዓል ማንኪ ዘይብሎም ዝሕሱ
                                    ኖርወይ ተመዲቡ ዘሎ ፈስቲቫል
                                    ብመንእሰይ ገና ዘይቀሰኑ ሰንፈላል
                                    ይጓየዩለዉ ብዓል የ. ማንኪ ሓባል
                                    ጠፋእና ክብሉ ሓሶት ንምቅብባል
                                    ወረ ዘሪእካ ስልጣንካ ንምድልዳል
                   ኣብ ምዕቡል ሃገር ዝዓበኹም
                   ባሕሪ ሰጊሮም ክጻወትልኩም
                   ዓያሹ ኣይትኹኑ እናፈለጥኩም
                   ተጠቐሙሉ ወርቃዊ ግዜኹም
                   ህዝባዊ ሓልዮት ይኹን ሞያኹም
                                 ንሃገር ዘይኸውን ሙሁርየ ባሃሊ
                                 ሓሳዊ በልዎ ሌባ ዕሉም መታለሊ
                                 ናይ ህግደፍ ኣቃጣሪ ጨፋሪ ዘላሊ
                                 ህዝቡ እና ጸነተ ጨካን ዘይሓሊ
                                 ምህሮ ሰይጣንዩ እዝስ መጸለሊ 
                  የማነ ማንኪ ሳንጣኡ ጠርኒፉሎ
                  ናይ ሓሶት ነብይ ሰይጣን ዝወከሎ
                  ልኡኽ ናይ ጥፍኣት ፈጣን ጭሎ
                  መሃዚ ተንኮል ቅንዕና ዘይተዓደሎ
                  ከም ሰዓት ክመልኣኩም መዲቡሎ
                 ዓመት ቂምቂም ክትብሉ ክሳብ ዘሎ             
                                 ንዓያሹ ኣደናጊሩ ዘይኮነ ከውሪ
                                 ህግደፍ ላዕሊ ሰቒሉ ሰልዲ ክኣሪ
                                 ዘመናዊ ጊልያ ምዕቡል ኣዳናጋሪ
                                 ሰይጣን ዝላኣኾ ንውድቀቱ ከጻሪ
                                 ኩነታት ከጽንዕ ዘድልይዎ ክሓሪ
                   መንእሰያት ህግደፍ ዓዲ ዘይሪኡዋ
                   ብዘይካ ካተድራለ ካላኣይታ  ሳዋ
                   ንኸታልሉኹም ክትመጹ ዝሽልምዋ 
                   ጅግና ዝወደቐላ ብጓይላ ከተብዕልዋ
                   ኣይተገልጸንምበር ብዙሕ ጉድዩ ዘለዋ
                                  Ypfdj Norway ምተገብአ ክትሓዝን
                                  ናይ ህግደፍ ሓሸውየ ባህልና ኣይኮነን
                                  መዘናኹም እናተረሸኑ እናተጠብሑን
                                  ኣብዚ እዋንዚ ክትጭፍሩ ክትስዕስዑን
                                  ናይ ዘላአለም ጸሊም ታሪኽዩ ዘየቕስን
                   ገለመለ ኣኻኺቦም ሕጻናት ቆልዑ
                   ገና ዘይዓኾኹ መንእሰይ ክጽውዑ
                   ስድራ ቤታት ኣስገዲዶም ናጸውዑ
                   ህዝቢ ተሻቒ ብታህዲድ ተቐጺዑ
                   ዝገብሮ ጨኒቑዎ ሃለዋቱ ረሲዑ
                                      ጸሊም ፈስቲቫል ብሓዘን ዝተላዕጠጠ
                                      ኣብ ደም ኣሕዋቱ ዝሕምብስ እናፈለጠ
                                      ደም ደቅ ሰብ መጽዩ ቆርበቱ ዝቐለጠ
                                      ፈስቲቫል ይመስሎ ውሽጡ ዘይፈለጠ
                                      ንኣልቦ ሕልና መሰል ሰብ ዝቐንጠጠ
                  መኸተ ፈስቲቫል መጠበር ዓያሹ
                  ናይ ንጹሃት ሓንጎል ሰብ ዘበላሹ
                  ክንዲ ንቕድሚት ድሕሪት ክጓሰሱ
                 መንእሰይ መሪዞም ገንዘብ ክሓፍሱ
                 ዝሩጋት ጉጅለ ተማዒዶም ዘይፍወሱ
                                        ዓመት መጸ ሓዲሽ ሓሶት ክትሰምዕ
                                        ሓንጎልካ ክሕጸ ሃገርካ ከይተልምዕ
                                        ብሃገርካ ከይትማራመር ከይተጽንዕ
                                        ጆሆ ሒዞሙኻ ናብ ጥፍኣት ከተቕንዕ
                                        ኣብ ቅሉዕ ጎልጎል ዕሽነትካ ከተቃልዕ 
                 ስለዚ ማሕበር መንእሰይ ህግደፍ
                ብስምዒት ሰኺርካ ኣይትለፍልፍ
                ሓንጎልካ ኣስራሓዮ ኣይትኹን ሰነፍ
                ምስ ግዜ ተጓዓዝ ንምዕባሌ ተጠርነፍ
                ታሪኽ ከይ ከሰካ ፎእ በሎ ንህግደፍ
                                         ኤረና ኩሑሎ ሎም ዘመን ሓዲኡሎ