ክልተ ሽሕ ዓመት!             

           ኣቤት ክነውሕ

         ናይ መን ዕድመ’ዩ?

          ክንደይ  ይበዝሕ፣

ገንዘብ ኮይኑስ ኣብ ጁባኻ አንተዚበጽሕ

      እዋን’ዩ ግን ንኹሉ ዘርብሕ።

     ማቱሳላ’ኳ ክንዳኡ ዘይጸንሐ

ካልአ’ውን የለን ከምኡ ዝረብሐ።

            ምናልባት!

     ከም’ዚ ሕጂ ዝተዓደላ

    ኣጋጣሚ ሂብዎ ዘጸምበላ

           ኣይደግማን’ዩ!

       እንኮሳዕ’ዩ ዘኽብራ።

          ብርግፅ ግን!

     ዕድመ’ያ ዕድመ ምዕባለ

   መዝገብ ዘለዋ ዝተጠቕለለ

ዕዮ ምስክር ናይ ኣቦታት ዝሓዘለ።

እምበር ኣይርከብን’ዩ ዝተፈጥረ

ከም’ዛ ዕለት ‘ዚኣ ደጊሙ ዘብዓለ።

        ሓቂ ድዩ’ኸ?

  ክልተ ሽሕ ዓመት ተወዲአን

ዘርግም’ዩ ! ....ብኡነት አዚአን

ንኹሉ ብማዕረ አንተተሰሊዐን

   ብዙሕ ኣሎ ዝሓንኽ ብአአን

  እዋን ረኺቡ ዘይተጠቕመለን።

       ምኽንያቱ!

  ገለ ጃፓን ገለ ኣመሪካ

ምዕባለኦም ተኣምራት ዘይርድኣካ

   ሓዳሮም ጸሓይ የቕነኣካ።

        ካን!

   ባይታ ገዲፎም ሰማይ

  ውቅያኖስ ሃንዲሶም ቀላይ

ብልዖም ማና ስታዮም ጽራይ

መኺሮም ዘትዮም  ይገብሩ ውራይ።

       ገለ ድማ፣

  ሳልሳይ ዓለም ይጽውዑ

አንጌራ ሄዋን ምስ ሰቦም ከምዘይበልዑ

ካብኣ ፍሕት ከይበሉ ከም ቆልዑ

    ጌና ጸሓይ ዘይማሞቑ

ጥራይ ዝባኖም  ጭቃ የቆማጥዑ።

የደንግጹ’ዚኦም አዋኖም ዘዘንግዑ

      ክልተ ሽሕ ዓመት!

   ነዚኦም’ውን ኮ’ዩ ተወዲኡ።

      ሕጂውን አንድዒ’ኸ!

ዘመን አናተለወጠ ከይድህለሉ

በ’ዛ ናይ አዋን ደወል አንተ ዝበራበሩ

   መጻሕፍቲ ኤውሮጳ ክግንጽሉ

ኣብ ናይ ምዕባለ መኣዲ ክጽንበሩ።

   ብፍላይ አዛ ጸላም ኣፍሪቃ              

ኣባትር ደርብያ ክትዛረብ ብቋንቋ!

  ትበራበር’ዶ ትኽውን ነቕኒቕካ።